Trazos de Galicia
Imaxe principal da exposición e portada do catálogo Trazos de Galicia. Un percorrido pola historia do debuxo contemporáneo galego, organizada pola Deputación da Coruña en 2001.
Un proxecto desenvolvido en colaboración coa miña irmá Marigel, deseñadora e maquetadora en Rey de Oros, responsable do deseño e da maquetación da exposición. A miña achega centrouse na creación da imaxe principal, que protagonizou tanto a portada do catálogo como a propia mostra.
A exposición, producida por Rey de Oros en colaboración co museógrafo Pepe Barro, reuniu obras dalgúns dos artistas plásticos contemporáneos máis relevantes de Galicia. A proposta poñía o foco no trazo como elemento esencial da linguaxe plástica, con especial atención ao retrato construído a partir de liñas sinxelas. De carácter itinerante, percorreu diferentes concellos e salas da provincia da Coruña e chegou tamén a Milán.